Ни претставува чест што сме поканети од Археолошкиот музеј во Удине да учествуваме на изложбата „Women, Mothers and Goddesses: Universal Languages and Mеtaphors in the Prehistoric Art“. Оваа изложба, организирана од Археолошкиот музеј на Удине заедно со Универзитетите во Сиена и Фиренца, се отвори на 12.11.2017 и ќе трае до 11.02.2018. За оваа пригода направивме осврт кон балканските фигурини, приложувајки теориски и музеолошки перспективи за нивните значења и формите на изложување. На оваа изложба учествува и Музеј на Македонија истакнувајки ја интерактивноста на културното наследство и неговото доближување до лицата со посебни потреби. Изложбата претставува уште еден чекор напред кон презентирањето на нашето културно наследство и особено пред оние што не се занимаваат со археологија, историја на уметност и антропологија, а се љубопитно заинтересирани за уметноста во минато.